Спортско рекреативен центар “Го сакам Бутел” ФОКУС ГРУПА 2

Во рамките на проектот на Владата на Швајцарија „Поддршка на изборните реформи во Северна Македонија“ спроведуван од Меѓународната фондација за изборни системи (ИФЕС), Интеркултура го мониторира изборното ветување на градоначалникот за изградба на спортско рекреативенцентар “Го сакам Бутел”. На 20 Мај со почеток во 11:00 се одржа фокус група во просториите на хуманитарната организација АДРА Скопје и на истата присуствуваа 10 граѓани кои живеат на територијата на Општина Бутел.

На фокус групата се дискутираа неколку прашања:

– Информираноста на жителите за работата на Општината

– Дали се запознаени со изборните ветувања, и конкретно со ова кое се мониторира

– Колку според нив се исполнуваат изборните ветувања

– Со кои алатки се запознаени и дали знаат како да добијат информација од општината

Информациите најчесто се добиваат од познати лица кои се членови на некоја партија, со посета на општината или јавување на телефон. Опцијата за јавување по телефон најчесто ја користат повозрасните лица.

Неколку од граѓаните биле на предизборни средби и митинзи и се запознаени со дел од ветувањата на Градоначалникот. Мислат дека според моменталната ситуација во државата добро се исполнуваат ветувањата..

Дел од групата рече дека веб страната на општината им служи како информација, но тешко се снаоѓаат понекогаш, а дел рекоа дека ја следат фејсбук страната на општината или на градоначалникот и така се информираат.

Повеќе информации за стаусот на ова изборно ветување може да се најдe на следниов линк:

https://electoralreforms.mk/single-initiative-2022/?ID=4608&mesec=%D0%BC%D0%B0%D1%80%D1%82-2023