Спортско рекреативен центар ” Го сакам Бутел” – ФОКУС ГРУПА 1
Во рамките на проектот на Владата на Швајцарија „Поддршка на изборните реформи во Северна Македонија“ спроведуван од Меѓународната фондација за изборни системи (ИФЕС), Интеркултура го мониторира изборното ветување на градоначалникот за изградба на спортско рекреативен центар “Го сакам Бутел”. На 16 Мај се одржа фокус група во просториите на Интеркултура и на истата присуствуваа 6 млади жители кои живеат на територијата на Општина Бутел.
На фокус групата се дискутираа неколку прашања:
– Информираноста на младите за работата на Општината
– Дали се запознаени со изборните ветувања, и конкретно со ова кое се мониторира
– Колку според нив се исполнуваат изборните ветувања
– Со кои алатки се запознаени и дали знаат како да добијат информација од општината
Од страна на учесниците на фокус групата беше нагласена незаинтересираноста на поголемиот број млади за работата на оштината и генерално за политиката. Според нив за секаде се користат врски и не наоѓаат за потребно да се вклучуваат во таа сфера. Оние млади кои се вклучуваат и се интересираат за работата се вклучуваат во политички подмладоци и со тоа некако го губат гласот. Најчесто се вклучуваат од лична корист (дали за оценка, или за работа и слично).
Бидејќи генерално не следат изборни ветувања, единствено беше истакнато дека се градат игралишта и доколку е тоа дел од изборно ветување тогаш нешто се исполнува.
Достапноста и искористеноста на одрдени социјални медиуми е поголема од страна на младите (инстграм, тик ток и слично. Традиционалните медиуми, фејсбук и веб страните се помалку се користат од страна на младите па затоа е добро да се пристапи кон нив со поголем опсег на можности за информирање од страна на општината.
Повеќе информации за стаусот на ова изборно ветување може да се најдe на следниов линк: https://electoralreforms.mk/single-initiative-2022/?ID=4608&mesec=%D0%BC%D0%B0%D1%80%D1%82-2023