ПРВИОТ МЕЃУНАРОДЕН СОСТАНОК ВО РАМКИ НА ПРОЕКТОТ “INTHROUGH”

Од 17 до 19 февруари 2021 година во Белград се одржа првиот меѓународен состанок кој е дел од проектот „INThROugh“. На состанокот присуствуваа членовите на конзорциумот на овој проект – НВО Либеро (Србија), НВО Интеркултура (Македонија). ), НВО EduNorth (Хрватска), Фудбалскиот клуб Винер (Македонија), Одбојкарскиот клуб Китро (Хрватска) и Кошаркарскиот клуб Церак (Србија). Главната цел на средбата беше да се постигнатат договори меѓу партнерите околу реализацијата на проектот.

Беше спроведена детална анализа на капацитетите со кои располагаат партнер-организации со цел да се идентификуваат аспектите на заедничката работа кои можат да се подобрат преку споделување на искуства и знаења меѓу членовите на конзорциумот.

Проектот „INThROugh“ се спроведува со цел да се зајакне меѓусекторска соработка помеѓу младинските организации и спортските клубови со понатамошно градење и развивање на нивните капацитети со користење на неформалното образование во спортот на локално ниво како алатка за промоција на европските вредности и надминување на актуелните транснационални предизвици.

Овој проект е поддржан од Еразмус + програмата на Европската Унија.