“UpDatAed”

Како основно човеково право, приватноста претставува механизам за заштита на други човекови права и слободи.

Затоа, потребна ни е приватност за да ја искористиме нашата слобода на изразување и политичко здружување и да се заштитиме од злоупотребата и дискриминацијата. Колку е повеќе демократско општеството, толку повеќе може да ја заштити приватноста на секој граѓанин.

Од друга страна, граѓанските организации треба да бидат особено заинтересирани за заштита на приватноста и податоците. Со тоа тие можат да го подигнат својот кредибилитет кај членовите и да ја зголемат довербата и угледот. Тоа ги прави сигурни во односите со граѓаните затоа што ќе знаат дека нивните лични податоци ќе бидат користени како што треба.

Младинските граѓански здруженија собираат и понатаму користат разни видови на информации, вклучително и лични податоци. Тие собираат лични податоци на нивните корисници, членови, персоналот, консултантите, волонтерите, итн. Нивната работа на дневна основа зависи од користењето на таквите податоци.

Целта на проектот беше да се поддржат младинските организации да ги подобрат своите практики за обработка на податоци и да го направат нивното работење побезбедно, со посебен акцент на обработката на личните податоци во дигиталното опкружување. Во текот на неколку работилници беше развиен Водич за дигитално безбедни младински организации.

Проектот беше воден од Connect International во соработка со организации од Македонија, Турција, Белгија, Босна и Херцеговина, Словенија, Србија, Шпанија и Полска.